মুখ্য পৃষ্ঠা
06/04/2515:00
"এটি হেঙুলীয়া আবেলি"
© ৰাজু কলিতা
_______________________
ধূলিৰে-বালিৰে ওমলা ল'ৰালিৰ
আবেলি বোৰ
এদিন উটুৱাই দিছিলো দ্ৰোপাঙৰ বুকুত |
হালধীয়া আবেলি বোৰ সেইদিনা ,
সন্মুখত ধুঁসৰ হৈ থিয় দিছিল |
পাৰ
হৈ আহিছিলো এটি হেঙুলীয়া আবেলিৰ সন্ধানত
দ্ৰোপাঙৰ ঝিৰ ঝিৰ শব্দেৰে ৰিঙিয়াই
মাতিছিল ,
পাৰৰ কৃষ্ণচূড়া জোপা সাক্ষী হৈ থাকিল মাথো |
এযোৰ কাজল সনা দুচকুৰ প্ৰেমত ,
হেৰুৱালো এদিন শৈশৱৰ ছন্দ |
নিৰ্জন ঘাটত এজাক পখিলাৰ সৈতে
মেলি লৈছিলো এখনি নীলা খামৰ চিঠি |
আয়ে সেইনিশা নাজানিছিল মোৰ কিহৰ ব্যস্ততা ?
অজুহাত কৰিবলৈ একোয়েই নাছিল ,
মাথো প্ৰতিধ্বনি হৈ ৰল আইৰ চিঞঁৰ |
(প্ৰেম এটি জটিল শব্দ |আৰু জটিল
ম্মৃতি পাহৰিবলৈ )
এৰি অহা বাটেৰে উলটি যাবলৈ
ঠিকনা হেৰুৱা ভাগৰোৱা পথিক আজি |
আক্ষেপত জ্বলে বুকু ,
চিগাৰেটৰ দৰেই |
স্মৃতিৰ টোপোলা বান্ধি দিলে নিয়তীয়ে
কেইটামান মৰম লগা শব্দ ,
আৰু এখনি হালধীয়া ৰুমাল |
26/0115
